Ein vika eftir Lestrarátaki Ævars!

  • Höfundur: Ritstjórn Forlagsins
Lestrarátak Ævars

Í fyrra stóð Ævar Vísindamaður fyrir lestrarátaki í öllum skólum landsins með gríðargóðum árangri, yfir sextíu þúsund bækur voru lesnar og fimm heppnir bókaormar voru dregnir út og fengu að verða persónur í ævintýrabókinni Risaeðlur í Reykjavík. Nú stendur til að endurtaka leikinn og var nýju lestrarátaki ýtt úr vör á fyrsta degi ársins. Átakið stendur til 1. mars 2016 og er fyrir alla krakka í 1.-7. bekk. Í lok átaksins verða dregin út nöfn fimm barna og fá þau í verðlaun að verða persónur í stórhættulegri ævintýrabók eftir Ævar sem kemur út með vorinu: Bernskubrek Ævars vísindamanns 2 – Árás vélmennakennaranna.

Lestrarátakið virkar þannig að fyrir hverjar þrjár bækur sem nemandi les fyllir hann út miða sem finna má á heimasíðu Ævars, www.visindamadur.is. Foreldri eða kennari kvitta á miðann sem síðan er settur í lestrarkassa sem finna má á skólabókasafninu. Því fleiri bækur sem lesnar eru, því fleiri miða á bókaormurinn í pottinum og líkurnar aukast á einstökum vinningi.

Lestrarátakið er hugsjónastarf, unnið af einum bókaormi til að búa til fleiri bókaorma – en það er dýrategund sem má alls ekki deyja út.
Þess má einnig geta að metsölubók Ævars, Þín eigin þjóðsaga, sem kom út fyrir jólin 2014 er nú komin í kilju!
Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd