Dúndur stöff á toppi metsölulistans

  • Höfundur: Ritstjórn Forlagsins
eldar kvikna merki

Eldar kvikna, framhaldið af Hungurleikunum, kom út fyrir viku síðan. Fjölmargir biðu óþreyjufullir eftir bókinni og nældu sér í eintak við fyrsta tækifæri. Það kom ekki sérlega á óvart að bókin var í fyrsta sæti metsölulista Eymundsson í vikunni, raunar í fyrstu tveimur sætunum. Kiljuútgáfan var í fyrsta sæti og innbundna útgáfan í öðru sæti.

Nú hefur fyrsti íslenski dómurinn birst, eftir Pál Baldvin Baldvinsson í Fréttatímanum. Páll Baldvin gefur bókinni fjórar stjörnur og segir að rétta tækifærið sé núna til að halda bókum að ungum lesendum. Páll Baldvin segir bókina vera „dúndur stöff“ enda sé höfundurinn bæði snjall og hugkvæmur.

Það skal tekið sérstaklega fram að bækurnar um Hungurleikana eru ekki síður fyrir foreldrana en börnin – og mælir Páll Baldvin sérstaklega með því að foreldrar eigi góða samverustund með börnunum sínum og lesi bókina með þeim.


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd