Dúllerí í sumarfríi

  • Höfundur: Ritstjórn Forlagsins
Íslenskar lækningajurtir, Sokkaprjón, Bollakökur

Það ætti engum að leiðast í sumarfríinu. Þökk sé þremur splunkunýjum bókum sem leyfa sköpunargáfunni og heilandi kröftum að njóta sín.

Þeir sem vilja grípa í prjónana ættu að næla sér í eintak af Sokkaprjón, bók með 52 sérlega smekklegum sokkauppskriftum.

Þeir sem kjósa að dúlla sér í eldhúsinu ættu að kíkja á bókina Bollakökur Rikku sem er ekki einungis uppskriftabók heldur einnig stútfull af hugmyndum og skemmtilegu kökuföndri.

Þeir sem vilja njóta útiverunnar í sumarfríinu ættu að grípa Íslenskar lækningajurtir með í sumarbústaðinn, göngutúrinn eða ferðalagið. Í bókinni er fjallað um lækningamátt íslenskra jurta og hvernig er best að finna þessar jurtir. Allir ættu að geta búið til smyrsli og bakstra með hjálp þessarar bókar.

Hreinsum hugann í sumarfríinu – ræktum áhugamálin og dúllum okkur!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd