Drápa drepur niður fæti víða

  • Höfundur: Ritstjórn Forlagsins
Gerður Kristný

Fátítt er að íslenskar ljóðabækur komi út í heild erlendis en á bókasýningunni í Frankfurt fyrr í mánuðinum gerðust þau tíðindi að útgefendur í þremur löndum, Svíþjóð, Noregi og í Bretlandi, tryggðu sér útgáfuréttinn á ljóðabók Gerðar Kristnýjar, Drápu.

Drápa segir áhrifaríka sögu í ljóði sem hefst nóttina þegar myrkusinn kemur til borgarinnar. Bókin fékk frábæra dóma hjá íslenskum gagnrýnendum og kallaði Kolbrún Bergþórsdóttir hana „ljóðabók ársins“. Guðrún Baldvinsdóttir hjá Hugrás sagði: „Gerður Kristný slær bæði Stefáni Mána og Yrsu Sigurðardóttur við í óhugnaði í ljóðabálkinum … Myrkustjaldinu er tjaldað yfir borgina, og inni í því gerast hræðilegir atburðir, verri en óhugnanlegustu reyfarar undanfarinna ára hafa tjáð … heillandi verk um hræðilegan heim sem stendur okkur því miður alltof nærri.“

Velgengni Drápu kemur í kjölfarið á gríðargóðum móttökum á fyrri ljóðabók Gerðar, Blóðhófni, en hún kom út í Finnlandi, Svíþjóð, Danmörku, Noregi og Bretlandi eftir tilnefningu til Bókmenntaverðlauna Norðurlandaráðs.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd