Denise Epstein heilluð af landi og þjóð

  • Höfundur: Ritstjórn Forlagsins
Denise epstein og Friðrik Rafnsson

Denise Epstein kom til Íslands til að kynna Franska svítu, bók móður sinnar Irene Nemirovsky, á Bókmenntahátíð í síðustu viku. Hún kom ásamt ævisagnaritara móður sinnar, Olivier Philipponnat, og voru þau bæði gjörsamlega heilluð af landi og þjóð. Fyrir utan að stunda annasama dagskrá Bókmenntahátíðar fóru þau í Bláa lónið og Gullna hringinn vinsæla. Þau voru hæstánægð með móttökurnar sem þau fengu og ekki síður þær móttökur sem Frönsk svíta hefur fengið hjá Íslendingum.

Frönsk svíta hefur fengið gífurlega góða dóma hjá gagnrýnendum hér á landi sem kemur ekki á óvart miðað við móttökurnar sem bókin hefur fengið hvar sem hún er gefin út víðsvegar um heiminn. Skáldkonan hefur verið lofuð í hástert og bókin kölluð meistaraverk sem allir ættu að lesa.

Saga bókarinnar er einstök en hún var gefin út í Frakklandi rúmum sextíu árum eftir lát höfundarins. Iréne Nemirovsky var færð í útrýmingarbúðir nasista áður en hún náði að koma handritinu að bókinni til útgefanda og dætur hennar varðveittu það samviskusamlega í áratugi áður en hugað var að útgáfu. Denise Epstein þykir afar vænt um þessa bók þar sem þetta var það síðasta sem móðir hennar skrifaði áður en hún lést og því veigraði hún sér ekki við því að ferðast til Íslands og stunda menningarlífið í Reykjavík þrátt fyrir að vera komin á níræðisaldur.

Á myndinni er Denise Epstein ásamt þýðanda Franskrar svítu, Friðriki Rafnssyni.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd