Danir filma 10 ráð

  • Höfundur: Ritstjórn Forlagsins
Hallgrímur Helgason

Danski kvikmyndaframleiðandinn Miso Film hefur keypt réttinn á skáldsögu Hallgríms Helgasonar, 10 ráð til að hætta að drepa fólk og byrja að vaska upp, og hyggst gera eftir henni kvikmynd á ensku sem tekin verður hér á landi. Leikstjórinn Kasper Barfoed er ungur að árum en á þó að baki þrjár kvikmyndir í fullri lengd og vinnur nú að sinni fyrstu mynd vestan hafs, The Numbers Station, með John Cusack og Malin Akerman í aðalhlutverkum.
Skáldsagan 10 ráð til að hætta að drepa fólk og byrja að vaska upp kom út hjá JPV haustið 2008 og hefur síðan notið velgengni víða um lönd, en hún hefur nú verið þýdd á 8 evrópumál og er væntanleg á kóresku. Þá er bókin ein af þeim tíu íslensku skáldsögum sem væntanlegar eru á ensku á vegum Aamazon fyrirtækisins.
Sagan um króatíska leigumorðingjann Toxic sem kemur til Íslands í gervi sjónvarpspredikara hefur heillað fleiri en kvikmyndagerðarmenn. Í nóvember n.k. frumsýnir Borgarleikhúsið í Salzburg leikverk byggt á bókinni og þá túrar þýski leikarinn Uwe Ochsenknecht nú um Þýskaland og les upp úr bókinni við undirleik jasshljómsveitarinnar “The Toxic Truth”.
Þá verður þann 2. október n.k. sýnd austurrísk heimildamynd um rithöfundinn og myndlistarmanninn Hallgrím Helgason á þýsku sjónvarpsstöðinni 3sat, sem ber titilinn 10 ráð til að hætta að vaska upp og byrja að lesa íslenskar bókmenntir.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd