Dægradvöl væntanleg í endurútgáfu

  • Höfundur: Ritstjórn Forlagsins
Daegradvol_175

Dægradvöl eftir Benedikt Gröndal er af mörgum talin ein besta sjálfsævisaga sem skrifuð hefur verið á Íslandi. Þar tekst Gröndal á meistaralegan hátt að flétta saman sitt eigið lífshlaup og það sem er að gerast í samfélaginu í kringum hann svo úr verður bæði góður aldarspegill yfir nítjándu öldina og persónuleg saga merkilegs og sérkennilegs manns.

Gröndal dregur upp margar frábærar mannlýsingar og segir gamansögur af samferðamönnum af miklu fjöri og húmor, en hann fegrar heldur ekki sjálfan sig eða dregur úr veikleikum sínum.

Í formála bókarinnar skrifar Guðmundur Andri Thorsson: „Þessi útgáfa er að heita má samhljóða  þeirri sem  kom út hjá Máli og menningu árið 1965 í umsjá Ingvars Stefánssonar, og hefur ekki verið prentuð síðan. Eins og kemur fram í greinargóðum formála Ingvars er þar prentuð sú gerð verksins sem Gröndal hreinritaði, og var geymd á handritadeild Landsbókasafnsins, en áður hafði verið prentuð eldri gerð Gröndals af verkinu og ófullkomnari um margt.  Vert er að vekja sérstaka athygli á því að aftast eru, rétt eins og í útgáfu Ingvars, prentaðar úrfellingar sem Gröndal gerði og oft er eftirsjá að, ekki síst hin fræga sjálfslýsing hans, sem eingöngu er að finna í eldri gerð verksins.  Áhugasömum lesendum er bent á að lesa þessar viðbætur, þar sem höfundur er jafnan sjálfum sér líkur.“

Hér er pdf  fyrir þá áhugasömu með hluta formála Ingvars Stefánssonar frá 1965.


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd