Börn flóttamanna

  • Höfundur: Ritstjórn Forlagsins
Myndir frá Akranesi

Vegna framúrskarandi undirtekta verður haldinn aukafundur um málefni flóttamanna í fundaröð sem sett var saman vegna útgáfu hinnar vinsælu bókar Ríkisfang: Ekkertsem skrifuð er af Sigríði Víðis.

Á þessum aukafundi verður rætt við börn flóttamanna. Í aldanna rás hafa fjölmargir flóttamenn fengið skjól á Íslandi og hafa börn þeirra alist upp á Íslandi. Hvernig var flótti foreldranna og hvaða áhrif hafði hann á næstu kynslóð á eftir?

Anna Kristine Magnúsdóttir-Mikulcaková er þekkt blaðakona en færri vita að hún er dóttir flóttamanns frá fyrrum Tékkóslóvakíu. Foreldrar Tinnu  Davíðsdóttur, lyfjafræðings, flúðu hins vegar frá Víetnam. Þær segja frá flóttanum og sitja fyrir svörum. Fundastjóri verður Guðni Th. Jóhannesson, sagnfræðingur.

Fundurinn er í Odda, stofu 101, miðvikudaginn 30. nóvember kl. 12.25 – 13.20. Allir velkomnir og ókeypis aðgangur.

Ekki missa af þessum síðasta fundi í þessari mögnuðu fundaröð.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd