Bókmenntaviðburður ársins 2014 – komdu í Norræna húsið

  • Höfundur: Ritstjórn Forlagsins
Mynd: Morten Holtum

Yahya Hassan hristi rækilega upp í dönsku menningarlífi þegar hann sendi, átján ára gamall, frá sér ljóðabók sem ber nafn hans og lýsir uppvexti í skugga gegndarlauss ofbeldis, bókstafstrúar og hræsni.  Hann er ríkisfangslaus Palestínumaður frá Árósum og lýsir veröld upptökuheimila, úrræða, félagsráðgjafa, lögregluafskipta og fangelsa. Alla þessa aðila lætur hann hafa það óþvegið en þó fyrst og fremst sjálfan sig. Þremur mánuðum eftir að bókin kom út hafði hún selst í yfir 100.000 eintökum, en einnig valdið usla í dönskum stjórnmálum og aflað höfundi sínum bæði líkamsárása og líflátshótana svo hann kemur ekki lengur fram nema í fylgd lífvarða.

Í byrjun nóvember gefur Forlagið bók Hassans út í þýðingu Bjarka Karlssonar og af því tilefni sækir skáldið okkur heim og kemur fram á dagskrá í Norræna húsinu, Fjölbrautaskólanum í Breiðholti og á Airwords.

Opin dagskrá verður í Norræna húsinu miðvikudaginn 5. nóvember kl. 20. Þar kynnir Bjarki þýðingu sína og Haukur Ingvarsson spjallar við skáldið um bókina. Þá les Yahya Hassan úrval úr ljóðunum og verður íslenskri þýðingu þeirra varpað á vegg. Að dagskránni lokinni verður bókin til sölu og hægt verður að biðja Hassan um áritun.

Dagskráin er FB er haldin í samstarfi við Félag dönskukennara og er ætluð menntaskólanemum á höfuðborgarsvæðinu, einkum þeim sem langt eru komnir í dönskunámi.

Að kvöldi 6. nóvember kemur Yahya Hassan fram á bókmenntadagskrá Airways, Airwords, í hópi úrvalsskálda, innlendra og erlendra.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd