Bókmenntamerking til heiðurs Svövu Jakobsdóttur

  • Höfundur: Ritstjórn Forlagsins
Svava

Á morgun, miðvikudaginn 7. október kl. 17:15, verður afhjúpuð bókmenntamerking til heiðurs Svövu Jakobsdóttur við Austurvöll, á horni Kirkjustrætis og Pósthússtrætis. Sonardætur Svövu, þær Svava og Ásta-María Jakobsdætur, afhjúpa merkinguna. Strax í kjölfarið leiða Úlfhildur Dagsdóttir bókmenntafræðingur og María Þórðardóttir leikkona göngu um slóðir skáldkvenna í miðborginni.

Bókmenntaborgin Reykjavík hóf að kortleggja og merkja skáldaslóðir í borginni með bókmenntamerkingum á öðru starfsári sínu og var fyrsta merkingin afhjúpuð á Lestrarhátíð í október 2012. Hún er í Aðalstræti þar sem Langibar (Adlon) stóð og er tileinkuð Elíasi Mar. Bókmenntamerkingarnar eru hluti af menningarmerkingum Reykjavíkurborgar þar sem vakin er athygli á sögu og menningu borgarinnar í borgarlandinu.

Eftir athöfnina leiða Úlfhildur og María bókmenntagöngu um slóðir skáldkvenna í miðborginni. Farið verður á milli staða sem hafa verið merktir konum í bókmenntasögu borgarinnar, m.a. Theodóru Thoroddsen, Málfríði Einarsdóttur og Ástu Sigurðardóttur. Síðastnefnda merkingin stendur við Laugaveg 11, en þar var vinsælt kaffihús á sjötta áratug síðustu aldar, sem var mikið sótt af skáldum og listamönnum. Í göngunni verður fjallað um margs konar söguefni þessarar kvenna og skáldsystra þeirra, svo sem spegla, þvotta, ástir og ölvun svo fátt eitt sé nefnt.

Gangan tekur um eina og hálfa klukkustund á rólegu rölti.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd