Bókmenntaleg hólmganga – Literary Death Match í Reykjavík

  • Höfundur: Ritstjórn Forlagsins
Höfundarnir fjórir

Föstudagskvöldið 17. maí verður alþjóðlega “upplestrarkeppnin” Literary Death Match haldin á veitingahúsinu Dolly, Hafnarstræti 4 (uppi). Samkoman hefst stundvíslega kl. 20.05 en húsið verður opnað klukkan 19. Á dagskránni eru fjórir rithöfundar sem munu lesa úr verkum sínum í sjö mínutur hver – eða skemur – og síðan munu þrír stjörnudómarar dæma verkin. Tveir höfundar verða valdir til að keppa til úrslita á lokakvöldi keppninnar. Aðgangseyrir er 1000 krónur.

Dómarar kvöldsins verða Kristín Ómarsdóttir sem metur bókmenntagildi textans, Bergur Ebbi Benediktsson sem metur framsögn og framkomu og Hugleikur Dagsson sem metur hið óræða og óáþreifanlega.

Rithöfundarnir sem koma fram eru Auður Jónsdóttir, Andri Snær Magnason, Kristín Eiríksdóttir og Kári Tulinius.

Literary Death Match er haldin í 36 borgum í tíu löndum. Stjórnandi keppninnar er Adrian Todd Zuniga. Keppnin er heillandi gagnvirk blanda af gamni og bókmenntalegri alvöru og samkvæmt Los Angeles Times er þetta “one of the most entertaining reading series ever” – eða einhver skemmtilegasta upplestrarkeppni sem til er!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd