Bófinn næst alltaf að lokum!

  • Höfundur: Ritstjórn Forlagsins
Demantaradgatan

„Maja og Lalli eru ekki bara vinir heldur líka samstarfsfélagar. Þau stofnuðu Spæjarastofu Lalla og Maju. Þú veist ef til vill ekki hvað spæjari er? Jú, spæjari er eins og lögreglumaður, nema í venjulegum fötum. Spæjari rannsakar og fylgist með grunsamlegum persónum, tekur myndir og notar kíki. Að lokum næst bófinn.“

Það er með gleði og stolti sem við dreifum nýjustu barnabókinni okkar í dag, en það er Demantaráðgátan, fyrsta sagan um Spæjarastofu Lalla og Maju. Sögurnar eru margverðlaunaðar, þær hafa verið kvikmyndaðar og settar upp bæði sem leikrit og ópera – já, ópera! Höfundurinn, hinn sænski Martin Widmark, hefur í heimalandi sínu selt meira en þrjár milljónir barnabóka auk þess að bækur hans hafa verið þýddar á yfir tuttugu tungumál. Nú kemur hann í fyrsta sinn út á íslensku, í lipri þýðingu Írisar Baldursdóttur.

Börn sem eru á háma-í-sig-bækur-aldrinum munu kætast mjög yfir þessari sprúðlandi fyndnu og snjöllu spæjarasögu. Stórt letur, litríkar myndir og grípandi söguþráður gera bókina sérlega aðgengilega fyrir þá sem vilja þjálfa lesturinn – en sannarlega má lesa líka hana upphátt með allri fjölskyldunni og keppast þá við hver er fyrstur að ráða gátuna! Demantaráðgátan hentar bæði spæjurum og lestrarhestum á aldrinum 6-10 ára.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd