Blóð hraustra manna hlýtur Tindabikkjuna

  • Höfundur: Ritstjórn Forlagsins
Óttar Norðfjörð

Blóð hraustra manna eftir Óttar M. Norðfjörð hlaut Tindabikkjuna 2013, árleg verðlaun Glæpafélags Vestfjarða fyrir bestu glæpasögu ársins, sem afhent voru í Safnahúsinu á Ísafirði um helgina. Þetta er í fjórða skipti sem verðlaunin eru veitt en eins og áður eru verðlaunin listaverk eftir vestfirskan listamann. Í þetta skiptið var það Pétur Tryggvi Hjálmarsson, silfursmiður, sem bjó til verðlaunagripinn en auk hans fær verðlaunahafinn nokkur kíló af frosinni tindabikkju frá Fiskbúð Sjávarfangs á Ísafirði.

Í rökstuðningi dómnefndar segir um Blóð hraustra manna: „Höfundi tekst að magna upp spennu frá fyrstu síðu, bókin heldur athygli lesandans vel og persónurnar trúverðugar. Illmennið gaf okkur glæpsamlegan hroll og bifreiðaverkstæði hafa nú bæst í hóp vafasamra staða til að vera á. Sérlega ef maður álpast ofan í gryfjuna. Það er sannarlega ekki góður staður til að vera á.“

Við óskum Óttari innilega til hamingju!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd