Kroppurinn er kraftaverk til Danmerkur

  • Höfundur: Ritstjórn Forlagsins
Kroppurinn er kraftaverk

Eftir æsispennandi uppboð er forlagið Turbine í Árósum (turbineforlaget.dk) búið að festa sér útgáfurétt á dönsku á Kroppurinn er kraftaverk eftir þær stöllur Sigrúnu Daníelsdóttur, sem skrifaði texta bókarinnar, og Björku Bjarkadóttur sem myndskreytti. Eins og alþjóð veit kom bókin út í vor en réttindastofa fór rakleiðis með hana á bókastefnuna í Bologna þar sem hún vakti mikla lukku. Bókin hefur þó ekki aðeins slegið í gegn erlendis heldur hefur glatt og frætt fjölmarga hér heima, hlotið frábæra dóma og setið í efstu sætum metsölulista svo vikum skiptir.

Auk þess að gefa bókinni fjóra og hálfa stjörnu fór Kristjana Guðbrandsdóttir, gagnrýnandi hjá DV, þessum fögru orðum um bókina:

„Bókin, Kroppurinn er kraftaverk, er kærkomin handa foreldrum sem vilja efla sjálfsvirðingu barna sinna, styðja þau til heilbrigðis og velferðar óháð líkamsvexti … Ég veit ekki um neina íslenska bók sem gerir þessu þarfa efni skil og finnst hún bæði nauðsynleg og kærkomin viðbót. Það er ástæða til að bæði þakka og óska höfundi til hamingju með þessa bók.“

Kroppurinn er kraftaverk er skemmtileg bók sem kennir börnum að þykja vænt um líkama sinn, hugsa vel um hann og bera virðingu fyrir líkömum annarra. Og þetta mikilvæga veganesti fá nú dönsk börn tækifæri til að taka með þér út í lífið!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd