Batnar við hvern lestur

  • Höfundur: Ritstjórn Forlagsins
Barney

Það féllu mörg falleg orð í Kiljunni í gær þegar Egill Helgason spjallaði við Fríðu Björk Ingvarsdóttur og Þröst Helgason um nýja ljóðabók Sigurlínar Bjarneyjar Gísladóttur, Bjarg.

Egill benti á í kynningu að bókin fjallaði um fólk í blokk og bætti við að þetta væri „býsna skemmtileg ljóðabók“ og minnti jafnvel á Þorpið eftir Jón úr Vör. Undir það tók Fríða BjörK í skemmtilegri og markvissri greiningu: „Já, hún er skrifuð inn í þetta form og ég er ekki að tala um ljóðform heldur beinlínis byggingaform, blokk; það er eitt ljóð fyrir hverja íbúð. Og það verður til þessi þverskurður af íslensku samfélagi sem er mjög skemmtilegur og minnir á Þorpið og líka kannski Valeyrarvalsinn eftir Guðmund Andra.“ Fríða Björk tæpti á „söguþræðinum“ í bókinni sem hún vildi ekki gefa of mikið upp um og hélt svo áfram: „Það sem henni tekst með þessum þverskurði er að sýna fólk á öllum aldri, og hún er ekki bara að fjalla um borgarsamfélagið, náttúran kemur líka gegnum reynslu þessa fólks. Því þetta er fólk af öllu tagi. … Mér finnst þetta mjög fallega gert. Þetta er markviss bók, það er falleg hrynjandi í henni og hún segir mjög stóra sögu og vísar langt út fyrir sig. Og eins og oft er með góðar ljóðabækur þá batnar hún við hvern lestur. Verður skemmtilegri.“

Þröstur Helgason tók undir orð Fríðu: „Þetta er flott bók, skemmtilegur þverskurður af þjóðfélaginu og margir minnisstæðir karakterar.“

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd