Barnabækur á Bókamessu

  • Höfundur: Ritstjórn Forlagsins
Bókamessa

Helgina 21.-22 nóvember 2015 verður Bókamessa í Bókmenntaborg haldin í fimmta sinn. Messan verður sem fyrr í Ráðhúsi Reykjavíkur þar sem útgefendur sýna nýjar bækur og boðið verður upp á fjölbreytta bókmenntadagskrá fyrir fólk á öllum aldri. Líf og fjör verður í Ráðhúsinu alla helgina. Upplestrar, sögustundir, spjall um bækur, leikir og getraunir, ljúffengt smakk og óvæntar uppákomur.

Þarna gefst fólki einstakt tækifæri til að kynna sér bókaútgáfu ársins á einu bretti, ræða við útgefendur og höfunda, fá hugmyndir að bókum í jólapakkana og skemmtilegu lesefni fyrir sig sjálft.

Húsið er opið milli kl. 12:00 – 17:00 báða dagana. Ekkert kostar inn og eru allir hjartanlega velkomnir.

Eitt af því sem boðið verður upp á er glæsileg barnabókadagskrá í Borgarstjórnarsalnum á laugardag. Dagskráin er í tveimur hlutum:

Drekar, vinir og hrekkjusvín – sögustund fyrir alla krakka
laugardaginn 21. nóvember kl. 12:30–13:30
Sjö höfundar lesa úr nýútkomnum bókum sínum fyrir börn á aldrinum þriggja til tólf ára:

Gunnar Helgason,
Sigrún Eldjárn,
Kristín Helga Gunnarsdóttir,
Bergljót Arnalds,
Jóna Valborg Árnadóttir,
Birgitta Haukdal og
Þorgrímur Þráinsson.

Allar nýjar barna- og unglingabækur Forlagsins verða til sýnis á staðnum og gestum býðst að taka þátt í getraun þar sem verðlaunin eru ný barnabók að eigin vali.

Draugar, skrímsli og furðuverur – hryllingsbókastund fyrir krakka sem ÞORA
laugardaginn 21. nóvember kl. 13:30–14:30
Sjö höfundar lesa úr nýútkomnum bókum sínum fyrir lesendur á öllum aldri sem finnst gaman að finna hárin rísa í hnakkanum og hroll skríða niður eftir bakinu:

Gerður Kristný,
Hildur Knútsdóttir,
Kjartan Yngvi Björnsson & Snæbjörn Brynjarsson,
Ragnheiður Eyjólfsdóttir,
Gunnar Theodór Eggertsson og
Ævar Þór Benediktsson.

Allar nýjar barna- og unglingabækur Forlagsins verða til sýnis á staðnum og gestum býðst að taka þátt í getraun þar sem verðlaunin eru ný barnabók að eigin vali.

Sjáumst á Bókamessu í ráðhúsinu!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd