Austen og Hustvedt

  • Höfundur: Ritstjórn Forlagsins
Siri og Jane

Það mátti skilja á máli Sigurðar Valgeirssonar í Kiljunni í gærkvöldi að klassíska 19. aldar skáldsagan Emma eftir Jane Austen hefði komið honum þægilega á óvart þegar hann las hana í fyrsta skipti fyrir þáttinn. „Hún togaði alltaf í mig,“ sagði hann hissa, „maður bara hvarf inn í þetta samfélag.“ Hann hefur kannski haldið að bækur Jane Austen væru bara fyrir konur en tilfellið er að þær hafa skemmt fólki af báðum kynjum í tvö hundruð ár.

Þau Kolbrún Bergþórsdóttir og Sigurður töluðu við Egil um Emmu í gær og líka Sumar án karlmanna eftir Siri Hustvedt. Bækurnar tvær fengu skínandi góðar umsagnir hjá öllum þrem þátttakendum; það lá við að Egill bölvaði í þættinum þegar hann var að hrósa Siri Hustvedt en hann gleypti snarlega seinni hluta bannorðsins og byrjaði upp á nýtt: „Þetta er mjög flinkur höfundur!“

Sigurður notaði einkar skemmtilega myndlíkingu í samanburði á sögunum tveim: „Austen er eins og bíll sem líður áfram með lokað húdd en Hustvedt sýnir manni undir húddið, útskýrir ýmislegt, segir okkur hvernig hún býr til söguna, hún talar við mann sem lesanda.“Og Kolbrún þakkaði Forlaginu sérstaklega fyrir hve fallega Emma væri úr garði gerð; það væri gaman að fá heimsbókmenntirnar ekki bara í kilju heldur líka innbundnar og vandaðar. Þess má geta að þessi frumútgáfa Emmu á íslensku er prýdd myndum eftir Hugh Thomson sem fyrst birtust á prenti árið 1896.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd