Áslaug, Kristín og Ævar tilnefnd til bókmenntaverðlauna Astridar Lindgren

  • Höfundur: Ritstjórn Forlagsins
Astrid

Birtur hefur verið listi yfir þau sem tilnefnd eru til alþjóðlegu Alma-verðlaunanna, bókmenntaverðlauna sem stofnuð voru í minningu Astridar Lindgren. Fulltrúar Íslands eru þrír að þessu sinni: Áslaug Jónsdóttir er tilnefnd fyrir texta og myndskreytingar, Kristín Helga Gunnarsdóttir fyrir texta og Ævar Þór Benediktsson fyrir lestrarhvetjandi verkefna.

Alma-verðlaunin eru á forræði Statens kulturråd í Svíþjóð og eru veitt árlega. Verðlaunaféð nemur fimm milljónum sænskra króna, eða 65 milljónum íslenskra króna, sem fallið geta í skaut höfundar, teiknara, sagnaþular eða einstaklings eða samtaka sem hvetja börn til lesturs.  Markmið verðlaunanna er að auka veg barnabóka um víða veröld, með þá trú Astridar Lindgren að leiðarljósi að barnabókin stuðli að skilningi milli manna og menningarheima, ýti undir lýðræði og gagnsæi, og styrki stöðu barna. Það er von aðstandenda verðlaunanna að athyglin sem þau njóta leiði til þess að fleiri barnabækur verði þýddar þannig að börn um allan heim hafi aðgang að bókmenntum í hæsta gæðaflokki.

Tólf manna hópur velur verðlaunahafa hvers árs úr hópi tilnefninga sem kallað er eftir frá sérfræðingum um allan heim. Þeir sem mega tilnefna fyrir Íslands hönd eru Rithöfundasamband Íslands, Félag íslenskra teiknara, Upplýsing – Félag bókasafns- og upplýsingafræða og Ibby á Íslandi. Lista yfir allar tilnefningar má finna á heimasíðu verðlaunanna, www.alma.se. Verðlaunin verða veitt í Stokkhólmi um mánaðamótin maí-júní, þegar aðstandendur verðlaunanna segja að Svíþjóð skarti sínu fegursta.

Öll þau sem tilnefnd eru af Íslands hálfu eru að senda frá sér bók um þessar mundir, út er komin Skrímsli í vanda, níunda bókin um stóra skrímslið og litla skrímslið eftir Áslaugu Jónsdóttur og tvo samstarfshöfunda hennar, og í næsta mánuði koma út Vertu ósýnilegur – Flóttasaga Ishmaels eftir Kristínu Helgu Gunnarsdóttur, átakanleg saga um ungling sem neyðist til að flýja stríðshrjáða heimaborg sína í Sýrlandi, og Þitt eigið ævintýri, fjórða bókin í „Þín eigin“-bókaflokki Ævars Þórs Benediktssonar þar sem brugðið er á leik með þekkt ævintýraminni. Forlagið óskar öllum tilnefndu höfundunum innilega til hamingju og bíður spennt eftir niðurstöðu tólfmenninganna í Stokkhólmi.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd