Áróður í Saltfisksetri

  • Höfundur: Ritstjórn Forlagsins
Guðbergur Bergsson

Guðbergur Bergsson opnar sýningu í Saltfisksetrinu í Grindavík á morgun, laugardaginn 3. júlí, þar sem hann sýnir áróðursveggspjöld sem hann hefur safnað í gegnum tíðina á ferðalögum sínum víða um heim. Í viðtali við Fréttablaðið í dag kemur fram að  Guðbergur um hafi safnað spjöldunum á ferðalögum sínum undanfarin 35 ár en hugmyndin að sýningunni hafi fæðst í Berlín fyrir nokkrum árum. „Þar var í gangi svipuð sýning en sú einblíndi aðeins á áróður nasista auk þess sem lítið af útskýringum fylgdi með. Ég tek hins vegar mun fleiri dæmi, læt útskýringar fylgja með og leiði gestina í gegnum sýninguna við opnun hennar. Auk þess verður sýnd frægasta áróðursmynd allra tíma, Sigur viljans eftir Leni Riefenstahl.“

Guðbergur tekur fram að áróðursveggspjöld séu merkileg fyrir ýmsar sakir og meðal annars afhjúpi þau sögu þjóða. „Spjöldin sýna til dæmis hver fjárhagsleg staða þessara þjóða var á tilteknum tíma; sum eru gerð af vanefnum meðan einhverjum fjármunum hefur verið varið í önnur. Eins leiða þau í ljós hliðstæður í áróðri pólítískra andstæðinga. Einræðisherrar og stjórnmálaleiðtogar andstæðra fylkinga, eins og Stalín og Roosevelt fá svipaða glansmeðferð auk þess sem þjóðirnar og ólík stjórnmálaöfl tefla þarna fram sínum táknum í áróðursskyni.“ Viðtalið í heild sinni má lesa hér.

Sýningin verður opnuð á morgun kl. 14 og stendur til 26. júlí.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd