Arnaldur hlýtur heiðursverðlaun Boréales-menningarhátíðarinnar

  • Höfundur: Ritstjórn Forlagsins
Arnaldur Indridason

Metsöluhöfundinum Arnaldi Indriðasyni hafa áskotnast enn ein verðlaunin á erlendri grund. Um er að ræða heiðursverðlaun menningarhátíðarinnar „Boréales/Région Basse-Normandie du Polar nordique“ sem veitt voru í fyrsta skipti þann 19. nóvember síðastliðinn í tilefni af 20 ára afmæli hátíðarinnar. Verðlaunin hlaut Arnaldur fyrir skáldsögur sínar í Frakklandi og þá sérstaklega Bettý sem kom út þar í landi hjá forlaginu Métailié í þýðingu Patricks Guelpa þann 27. október sl. og trónir nú í þriðja sæti franska metsölulistans yfir glæpasögur.

Ekkert lát er á vinsældum bóka Arnaldar og hafa þær nú selst í hátt í sjö milljónum eintaka heima og erlendis og setið ofarlega á metsölulistum í Danmörku, Noregi, Svíþjóð, Hollandi, Belgíu, Þýskalandi og Frakklandi auk Íslands. Bækur hans hafa og sópað að sér verðlaunum hvarvetna og má þar nefna CWA Gold Dagger í Bretlandi, Glerlykilinn og Martin Beck-verðlaunin í Svíþjóð, Barry- og Macavity-verðlaunin í Bandaríkjunum, Grand Prix des Lectrice de Elle, Le Prix du Coeur Noir og Le Prix Mystère de la Critique í Frakklandi, og svo mætti lengi telja.

Boréales-hátíðin var haldin í Caen í Normandí dagana 3.-19. nóvember og þar var boðið upp á metnaðarfulla dagskrá úr menningarlífi Norðurlanda og Eystrasaltslanda, tónlist, kvikmyndir, leiklist, dans, myndlist og bókmenntir, auk pallborðsumræðna og upplestra. Verðlaunin sem Arnaldur hlýtur verða afhent við lok sólarhringslangrar samfelldrar dagskrár um glæpasögur.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd