Anna Karenina, 50 gráir skuggar og Madame Bovary

  • Höfundur: Ritstjórn Forlagsins
Fram hjá

Á dögunum kom út hjá Forlaginu bókin Fram hjá eftir Jill Alexander Essbaum sem vakið hefur nokkra athygli fyrir krassandi lýsingar og dökkan undirtón. Í raun mætti segja að bókin, sem vakið hefur mikla lukku víða um heim, sé eins og blanda af Önnu Kareninu, 50 gráum skuggum og Madame Bovary. Hressandi blanda það!

Anna er bandarísk kona sem býr ásamt eiginmanni sínum og þremur ungum börnum í úthverfi Zürich í Sviss; hún er heimavinnandi húsmóðir og lifir hversdagslegu lífi þar sem allt virðist slétt og fellt og í föstum skorðum. En undir lygnu yfirborðinu dylst rótleysi, ófullnægja og hugarvíl og Önnu finnst hún komin í ógöngur með líf sitt. Löngun til að brjóta upp hversdagsleikann og fá spennu í tilveruna leiðir hana út í skammvinn en eldheit kynlífssambönd við karlmenn sem verða á vegi hennar. En framhjáhöldin færa henni enga hugsvölun og áður en varir hrifsa óvægin örlög öll völd úr höndum hennar.

Jill Alexander Essbaum er bókmenntaprófessor og skáld sem hefur gefið út ljóðabækur og hlotið viðurkenningar fyrir þær. Fram hjá er fyrsta skáldsaga hennar.

Djörf og taugatrekkjandi skáldsaga um siðgæði og sjálfsmynd, ófullnægju og rótleysi.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd