Allt er fertugum fært

  • Höfundur: Ritstjórn Forlagsins
Herra Kitli

Hinir síungu herramenn fagna fertugsafmæli sínu í ár og ungfrúrnar geðþekku eru þrítugar á árinu. Forlagið heiðrar þau sómasystkin á þessum tímamótum með útgáfu á fimm nýjum bókum, Herra Skellur og riddarinn, Ungfrú Prinsessa, Herra Góður, Ungfrú Ágæt og prinsessan og Ungfrú Afmælis. Sem fyrr er það Guðni Kolbeinsson sem snýr sögunum á íslensku.

Þá er nýlega komin út bókin Lærðu að teikna herramenn sem geymir nákvæmar teiknileiðbeiningar, stensla, límmiða, teikniblokk og heilræði, sum gagnleg og önnur ekki – eiginlega er það eina sem þarf að hafa áhyggjur af hvort löngu handleggirnir hans herra Kitla komist fyrir á blaðinu!

Það var appelsínuguli sprelligosinn Herra Kitli sem fyrstur þeirra systkina kvaddi sér hljóðs árið 1971. Skapari þeirra, Robert Hargreaves, hafði þá um nokkurt skeið gengið með sögu þessa heiðursmanns á milli útgefenda en hlotið dræmar viðtökur. Loks fannst þó einn sem var tilbúinn til að taka Herra Kitla upp á arma sína og bræður hans fylgdu fast á eftir. Þeir urðu brátt eftirlæti heimsins og það sama mátti segja um ungfrúrnar sem komu fram á sjónarsviðið áratug síðar, 1981. Ungfrú Ráðrík reið á vaðið og síðan kom hver ungfrúin á fætur annarri.

Herramennirnir og ungfrúrnar hafa á undanförnum árum sýnt sig í að eiga við okkur margvísleg erindi – öll brýn! Og það bendir svo sem ekkert til annars en að svo verði áfram um ókomna tíð …

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd