„Afar áhugaverð skáldsaga“

  • Höfundur: Ritstjórn Forlagsins

Ein þeirra góðu bóka sem hafa vakið litla athygli í flóðinu fær loksins í dag verðuga umsögn í Morgunblaðinu. Þar skrifar Einar Falur um Skáldsögu um Jón eftir Ófeig Sigurðsson, og segir meðal annars:

„Að ytra byrði er form Skáldsögunnar um Jón harla hefðbundið; þetta er bréfaskáldsaga, bréf sem Jón ritar Þórunni konu sinni norður í Skagafjörð. Hann liggur undir grun um að hafa myrt fyrrum eiginmann Þórunnar og hefur hrökklast í annan landsfjórðung þar sem móttökur eru æði ónotalegar; Katla er tekin að gjósa með tilheyrandi flóðum og ösku sem liggur þykk yfir landinu … En þótt bréfaskáldsagan með sínum játningum og uppljóstrunum þess, sem segir  frá, sé býsna hefðbundið form að ytra byrði, tekst Ófeigi að gera það að sínu og lætur það þjóna söguefninu á persónulegan og frumlegan hátt. … Jón sögunnar er hugsjónamaður, sonur upplýsingarinnar, og glímir á stundum við þungar hugsanir og hverfur í heima drauma og fantasíu. Höfundurinn hikar aldrei við að taka söguna sínum tökum; hún er skrifuð á 21. öldinni og þótt hann freisti þess að glepja lesandann með því að skrifa að vissu leyti með tungutaki þeirrar 18., á athyglisverðan hátt, þá blandar hann samtímanum líka oft á írónískan hátt inn í frásögnina.“

Að lokum segir Einar Falur að þetta sé „afar áhugaverð skáldsaga, frumleg og heilsteypt. Saman við aldarfarslýsinguna blandar höfundur fljúgandi fantasíu. Hann rýnir jafnt í huga sem umhverfi, stekkur frá umræðum um sekt og sakleysi yfir í lýsingar á yfirferð óvætta og fólks sem hvergi býr nema í þjóðsögunum, án þess að missa sjónar á Jóni þar sem hann situr í sínum helli og býr í haginn fyrir fjölskylduna.”

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd