Afar áhugaverð frumraun

  • Höfundur: Ritstjórn Forlagsins
Dagur Hjartarson

Nú rétt fyrir helgi kom út Síðasta ástarjátningin, afar áhugaverð og fersk frumraun Dags Hjartarsonar á skáldsagnasviðinu.

Bókin segir frá ungum manni sem flytur til Reykjavíkur og verður þátttakandi í óvenjulegu verkefni æskuvinar síns. Á sama tíma fellur hann fyrir Kristínu. Tilvera hans er skáldleg, hvert andartak ort.

Dagur hefur áður sent frá sér ljóðabókina Þar sem vindarnir hvílast og fleiri einlæg ljóð, en fyrir hana hlaut hann Bókmenntaverðlaunverðlaun Tómasar Guðmundssonar, og smásagnasafnið Eldhafið yfir okkur. Á dögunum hlaut hann Ljóðstaf Jóns úr Vör fyrir ljóð sitt Haustlægðin. Síðasta ástarjátningin er allt í senn falleg, fyndin og spennandi skáldsaga um ástina, listina og lífið. Með henni skipar Dagur sér á bekk með áhugaverðustu höfundum þjóðarinnar.

Á fimmtudaginn næstkomandi, 3. mars, kl. 17 fögnum við útgáfunni í Eymundsson Austurstræti. Léttar veitingar í boði og allir velkomnir. Hér má melda sig á Facebook.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd