79 af stöðinni lofuð og tilnefnd til bókmenntaverðlauna

  • Höfundur: Ritstjórn Forlagsins
Indriði G. Þorsteinsson

Þýskir gagnrýnendur spara ekki stóru orðin í dómum sínum um bók Indriða G. Þorsteinssonar, 79 af stöðinni, sem kom út í Þýskalandi fyrr á þessu ári í þýðingu Betty Wahl. Hver af öðrum lofa þeir knappan stíl skáldsins, hins „íslenska Hemingway“ eins og einn blaðamaðurinn orðar það. Bókinni er hrósað fyrir glæsilegan prósa og meitlaðar samræður og höfundur lofaður fyrir nákvæmni, skerpu og sálfræðilegt innsæi. Bókin er kölluð „myrk gersemi“ á vefmiðlinum Readux.net og talin hápunktur á útgáfu þeirra íslensku bóka sem koma út á þýsku í tengslum við þátttöku Íslands sem heiðursgestur á bókasýningunni í Frankfurt í haust.

Miðað við allt lofið kemur ekki á óvart að bókin er tilnefnd til bókmenntaverðlauna óháðra forlaga í Þýskalandi. Kosið er um bókina í opinni netkosningu þannig að Íslendingar fá tækifæri til að kjósa sinn fulltrúa, TAXI 79 AB STATION, eins og hún kallast á þýsku. Smellið hér til að kjósa.


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd