Annað Bókakonfektið

  • Höfundur: Ritstjórn Forlagsins
höfundar II

Við höldum ótrauð áfram með Bókakonfektið – upplestrarkvöld Forlagsins á Café Rosenberg. Síðastliðið mánudagskvöld var stappfullt hús og rífandi stemmning og þarf ekki að efa að svo verði áfram. Annað upplestrakvöldið verður næsta sunnudag, 6. nóvember, og hefst kl. 20.30.

Að þessu sinni lesa eftirfarandi höfundar úr verkum sínum: Þórarinn Leifsson les úr Götumálaranum, Ármann Jakobsson úr Glæsi og Ólafur Gunnarsson úr Meistaraverkinu og fleiri sögum. Guðrún Eva Mínervudóttir lesu úr Allt með kossi vekur, Þórarinn Eldjárn úr Hávamálum, Gerður Kristný úr Forsetinn, prinsessan og höllin sem svaf, Sigrún Eldjárn úr Náttúrugripasafninu og Þorsteinn frá Hamri úr Allt kom það nær.

Bókakonfekt – upplestrarkvöld Forlagsins er hnossgæti fyrir líkama og sál og fátt betra en að stíga upp frá amstri daganna, bragða á jólakonfektinu, dreypa á ljúfum drykk og hlýða á brot af því besta úr jólaútgáfunni. Bækurnar eru til sölu á staðnum og upplagt að nota tækifærið til að fá höfunda til að árita. Aðgangur er ókeypis – og fyrstu hundrað gestirnir fá drykk í boði Forlagsins.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd