Allt um eldgos á Vísindavöku Rannís

  • Höfundur: Ritstjórn Forlagsins
Eldgos

Af hverju gjósa fjöll er ítarleg fræðslubók um eldgos sem kemur út í samstarfi Máls og menningar og Vísindavefjarins. Í bókinni birtast spurningar sem vefnum hafa borist um eldgos og svör fremstu jarðvísindamanna landsins við þeim, sem umrituð hafa verið svo þau henti fróðleiksfúsu fólki frá átta ára aldri.

Að bókinni standa núverandi og fyrrverandi forstöðumenn Vísindavefjarins: Jón Gunnar Þorsteinsson og Þorsteinn Vilhjálmsson, auk Þórarins Más Baldurssonan teiknara. Til stóð að bókin kæmi út í fyrra en vegna seinkunarinnar náðist Grímsvatnagosið í vor inn í hana. En fleiri gosum verður ekki bætt við því bókin er nú komin út og því geta allir fróðleiksfúsir fengið spurningum sínum svarað.

Bókin verður kynnt á Vísindavöku Rannís í Háskólabíói föstudaginn 23. september næstkomandi kl. 17 – 22. Þar verður meðal annars hægt að taka þátt í skemmtilegum leik sem kemur að efni bókarinnar.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd