Þrír rithöfundar heiðraðir

  • Höfundur: Ritstjórn Forlagsins
Thor Vilhjálmsson

Í dag veitti Íslensku- og menningardeild Háskóla Íslands og Hugvísindasvið þremur íslenskum rithöfundum heiðursdoktorsnafnbót við hátíðlega athöfn í Hátíðasal skólans. Þetta voru Álfrún Gunnlaugsdóttir, Matthías Johannessen og Thor Vilhjálmsson. Dr. Dagný Kristjánsdóttir, deildarforseti Íslensku- og menningardeildar, stýrði athöfninni en dr. Ástráður Eysteinsson forseti Hugvísindasviðs mælti fyrir gjörningnum.

Athöfnin fór síðan þannig fram að fyrst var lesið úr verkum hvers höfundar fyrir sig, því næst var mælt fyrir doktorsnafnbót viðkomandi höfundar og loks þakkaði hinn nýbakaði doktor fyrir sig. Það var dr. Bergljót Kristjánsdóttir sem mælti fyrir doktorsnafnbót Álfrúnar, dr. Guðni Elísson mælti fyrir doktorsnafnbót Matthíasar og dr. Ásdís Egilsdóttir mælti fyrir doktorsnafnbót Thors. Lauk samkomunni á því að dr. Thor heillaði viðstadda með impróvíseraðri ræðu um samskipti sín og Háskólans gegnum tíðina.

Ljúfur tónlistarflutningur var í höndum Gunnars Gunnarssonar, Tómasar R. Einarssonar og Óskars Guðjónssonar. Var það mál manna að samkoma þessi hefði verið hin ágætasta, fróðleg, uppbyggileg og – það sem kannski var óvæntast – afar skemmtileg.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd