Þrenna hjá Þórarni!

  • Höfundur: Ritstjórn Forlagsins
thorarinneldjarn3baekur

Þórarinn Eldjárn á 40 ára rithöfundaafmæli í ár og fagnar því með heilum þremur bókum; barnaljóðabókinni Fuglaþrugl og nafklakrafl sem kom út nú á dögunum, þýðingu á sígildu pólsku söguljóði sem ber titilinn Örleifur og hvalurinn og auðvitað ljóðabókinni frábæru sem kom út vor, Tautar og raular.

Engin smá afköst! Sérstaklega þegar miðað er við hversu mikið gæðaefni er hér á ferð!

Um Fuglaþrugl og naflakrafl:
Ljóðabækur Þórarins Eldjárns með myndum eftir Sigrúnu Eldjárn hafa glatt íslensk börn á öllum aldri í ríflega tvo áratugi. Fuglaþrugl og naflakrafl geymir 21 nýtt og fjörugt ljóð um allt milli himins og jarðar: Ýmiss konar fugla og fuglahræðu; hesta, hunda, sjóræningja og svín; afa og ömmu, riddara, ljón og dreka – að ógleymdu sjálfu naflakuskinu sem ekkert skáld hefur áður gefið gaum.

Um Tautar og raular:
Tautar og raular geymir um 70 fjölbreytt ljóð, flest frumort og ný en einnig fáein þýdd. Efnið skiptist í fjóra nokkuð ólíka hluta: óbundin ljóð og háttbundin, prósaljóð og þýðingar. Þetta er tíunda ljóðabók Þórarins ef frá eru taldar alkunnar barnaljóðabækur hans og Kvæðasafn.

Um Örleif og hvalinn:
Örleifur er agnarsmár en langar þó mest af öllu til að hitta stærsta dýr veraldar. Þess vegna leggur hann upp í leiðangur á litlum báti til að finna hval. Kvæðið um Örleif og hvalinn er eitt af vinsælustu barnaljóðum pólska skáldsins Julians Tuwim. Hér birtist það íslenskum lesendum í fyrsta sinn með sígildum myndum eftir Bohdan Butenko í frábærri þýðingu Þórarins Eldjárns

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd