Þóra biskups hrífur fólk með sér

  • Höfundur: Ritstjórn Forlagsins
Sigrún Pálsdóttir

Húsfyllir var á kynningarfundi í Þjóðmenningarhúsinu um helgina þar sem Sigrún Pálsdóttir sagnfræðingur kynnti bók sína um biskupsdótturina Þóru. Bók Sigrúnar, sem ber titilinn Þóra biskups og raunir íslenskrar embættismannastéttar, kom út í liðinni viku en þar greinir hún frá ævi og örlögum þessarar einstöku konu.

Bréf Þóru og dagbækur opna  lesendum nýja sýn á 19. öldina í sögu Íslands og sýna íslenska valdastétt gjarnan í grátbroslegu ljósi.  Í erindi sínu á sunnudag stiklaði Sigrún á stóru í viðburðaríku lífi Þóru og gaf gestum innsýn í helstu heimildirnar að baki bókinni, yfirgripsmikið bréfasafn Þóru og eiginmanns hennar Þorvaldar Thoroddsen jarðfræðings. Nákvæmar og hispurslausar lýsingar Þóru á atburðum og aðstæðum eru ekki síst til þess að fortíðin lifnar svo eftirminnilega við í bókinni.

Gerður var góður rómur að erindi Sigrúnar og gaman er að segja frá því að bókabirgðirnar í Þjóðmenningarhúsinu hreinlega kláruðust að erindinu loknu.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd