Þjóðsöguflétta heillaði börnin

  • Höfundur: Ritstjórn Forlagsins
Ævar Þór Benediktsson

Ævar Þór Benediktsson hlaut í ár hin eftirsóttu Bókaverðlaun barnanna, einu barnabókaverðlaunin sem valin eru af börnunum sjálfum. Verðlaunin hlaut hann fyrir Þína eigin þjóðsögu, en hún fékk flest atkvæði í kosningu sem 4500 grunnskólabörn á öllu landinu tóku þátt í. Ævar tók við verðlaununum í Borgarbókasafninu í Grófinni og skemmti gestum á eftir með vísindasmiðju.

Bókaverðlaun barnanna hafa verið veitt árlega síðan 2002, einni frumsaminni og einni þýddri bók. Útbúið er veggspjald sem hengt er upp í skólum og bókasöfnum um land allt til að auðvelda börnunum valið. Hver kjósandi má velja þrjár af sínum eftirlætisbókum frá nýliðnu ári.

Þín eigin þjóðsaga sló rækilega í gegn í vetur sem leið, var ein af söluhæstu bókum ársins og gladdi jafnt börn sem fullorðna. Ævar vinnur að framhaldi á þessum vinsæla bókaflokki en fyrst kemur þó út bók sem hann skrifaði í tengslum við lestrarátak Ævars vísindamanns og ber titilinn Risaeðlur í Reykjavík. Sú þrususpennandi saga kemur út í næsta mánuði og lestrarhestar á öllum aldri geta byrjað að láta sig hlakka til!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd