Þjóð vill ljóð – ljóðakvöldvaka á Súfistanum í kvöld

  • Höfundur: Ritstjórn Forlagsins
Ljóðin

Það er sjaldgæft að ljóðabækur seljist upp hér á landi strax á útgáfuári. Algengara er að þær seljist hægt og á lengri tíma. Þær fréttir berast þó nú af lager Forlagsins að margar nýjar ljóðabækur þar séu uppseldar eða við það klárast.

Fyrstu upplög bókanna Ljóð af ættarmóti eftir Anton Helga Jónsson, Blóðhófnir eftir Gerði Kristnýju, Tími hnyttninnar er liðinn eftir Berg Ebba Benediksson og Síðdegi eftir Vilborgu Dagbjartsdóttur, sem allar komu út á þessu ári, eru þrotin á lager Forlagsins og er verið að eða búið að endurprenta alla þessa titla.

Til að fagna þessum gleðifréttum og auka enn velgengni ljóðanna efnir Forlagið til ljóðakvöldvöku á Súfistanum, Laugavegi 18, fimmtudagskvöldið 2. desember. Þar koma fram skáldin Sigurbjörg Þrastardóttir, Anton Helgi Jónsson, Sigurður Pálsson, Vilborg Dagbjartsdóttir, Bergur Ebbi Benediktsson og Þórarinn Eldjárn auk þess sem lesið verður úr bókum Gerðar Kristnýjar, Hallbergs Hallmundssonar og Jóhannesar úr Kötlum sem geta af ólíkum ástæðum ekki komið sjálf.

Dagskráin hefst kl. 20 – verið velkomin!


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd