Þarf ég að deyja ef ég vil ekki lifa?

  • Höfundur: Ritstjórn Forlagsins
Óttar Guðmundsson

Fyrir tveimur árum sendi Óttar Guðmundsson geðlæknir frá sér bókina Hetjur og hugarvíl – geðsjúkdómar og persónuleikaraskanir í Íslendingasögunum þar sem hann beitti fagþekkingu sinni á óvæntan hátt. Sú bók sló rækilega í gegn.

Nú sendir hann frá sér bókina Þarf ég að deyja ef ég vil ekki lifa? þar sem umfjöllunarefnið er sjálfsvíg en þetta er fyrsta bókin sem skrifuð er um sjálfsvíg á Íslandi. Óttar byggir bókina á eigin reynslu úr einkalífi og starfi sínu sem geðlæknir.

Halldóra Ólafsdóttir yfirlæknir á göngudeild Landspítala segir um bókina:

„Bók Óttars Guðmundssonar geðlæknis, „Þarf ég að deyja ef ég vil ekki lifa?“, er fyrsta íslenska bókin sem fjallar um sjálfsvíg og er sem slík tímamótaverk. Bókin er afar læsileg og rituð af hispursleysi þar sem ekkert er dregið undan. Fræðileg þekking Óttars á efninu er yfirgripsmikil og nákvæm.

Hann setur sjálfsvíg í sögulegt, heimspekilegt og félagslegt samhengi auk þess sem hann fjallar ítarlega um þá geðsjúkdóma sem helst tengjast sjálfsvígum. Þá lífgar Óttari upp á viðkvæmt og vandmeðfarið viðfangsefni með fjölmörgum dæmisögum og leitar þar fanga úr fortíð, nútíð og eigin reynslu í starfi og einkalífi. Skín þar víða í gegn eðlislægt skopskyn höfundar sem léttir lesandanum lundina þegar fjallað er um svo erfiðan málaflokk.

Bók Óttars ætti að vera skyldulesning fyrir alla þá sem starfs síns vegna koma að sjálfsvígum, sinna aðstandendum eða veita þeim meðferð sem lifa af alvarlegar sjálfsvígstilraunir.“

Hér má lesa viðtal við Óttar í helgar- D.V í sérstöku blaði tileinkuðu sjálfsvígum og í Kastljósi mánudag 5.mai, þar sem Jóhannes Kr. Kristjánsson ræðir við Óttar um bókina.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd