Æfðu lesturinn með fjöri og fróðleik

  • Höfundur: Ritstjórn Forlagsins
Skúli skelfir og Nanna norn

Í dag koma út fjórar bækur sem upplagt er að kippa með sér í fríið eða hafa við rúmstokkinn í sumar til að æfa lesturinn.

Bækurnar um Nönnu  norn hafa notið gríðarlegra vinsælda erlendis um langt skeið. Í fyrra komu út tvær stuttar og litríkar bækur um þessa vinsælu persónu en hér koma tvær bækur um Nönnu fyrir unga lesendur, Nanna kjánaprik og Nanna keppir til sigurs. Í hvorri bók eru fjórar stuttar sögur um Nönnu og uppátæki hennar, sprenghlægilegar og spennandi. Á hverri blaðsíðu eru fjörugar teikningar eftir Korky Paul, ríkar af smáatriðum.

Skúli skelfir og skrímslamyndin er 21. sögubókin um þennan heimsfræga grallara. Eins og fyrri bækur geymir hún fjórar nýjar sögur um Skúla og vini hans sem skreyttar eru skemmtilegum myndum eftir Tony Ross. Hér reynir Skúli fyrir sér í kvikmyndagerð, heimsækir skelfilega frændur, leikur á Finn bróður sinn og heldur sína eigin Ólympíuleika (eða Skólympíuleika!).

Skúli skelfir – Líkaminn er fyrsta bókin í nýrri ritröð sem ber heitið Skelfilegar staðreyndir. Þar er að finna fróðleik um líkama dýra og manna með áherslu á það sem Skúli hefur mestan áhuga á, en það er ekki alltaf það sama og kennslubækurnar hafa í forgrunni. Textinn sem settur upp í stuttum, sjálfstæðum einingum sem henta einkar vel fyrir þá sem eru nýbúnir að ná valdi á lestrinum. Einnig er upplagt að kippa bókinni með í bílinn því fróðleiksmolar Skúla bjóða upp á fjöruga samræðu barna og fullorðinna.

Nú þegar skólaárinu er um það bil að ljúka er mikilvægt að minna börn og foreldra á að upplagt er að nýta sumarið til að halda lestrinum við. Og hvað er betra til þess en skemmtilegar bækur sem barnið langar að lesa aftur og aftur?

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd