Þorgrímur vinsæll

  • Höfundur: Ritstjórn Forlagsins

Það eru engin lát á vinsældum Þorgríms Þráinssonar um þessar mundir. Bækur hans, Þokan og Ertu Guð, afi?, verma tvö af tíu sætum aðalmetsölulista Hagkaupa og Félags Íslenskra bókaútgefenda þessa vikuna. Þær sitja líka báðar á metsölulista barnabóka hjá Eymundsson en bara Þokan á þar sæti á heildarlista.

Ertu Guð, afi? hlaut Íslensku barnabókaverðlaunin í ár og hefur hlotið feikigóðar viðtökur gagnrýnenda á öllum aldri. „Ertu Guð, afi? er falleg saga, innihaldsrík, afskaplega vönduð og sögð á leikandi léttan hátt. Þetta er bók sem ætti að höfða bæði til barna sem fullorðinna enda full af fallegum boðskap sem á erindi til allra,“ sagði Ingveldur Geirsdóttir í Morgunblaðinu og gaf bókinni fjórar stjörnur. Sama stjörnufjölda gaf Páll Baldvin Baldvinsson bókinni í Fréttatímanum og sagði höfund hennar höndla viðkvæmt efni „af næmleik og stillingu.” Og í bókmenntaþættinum Kiljunni sagði Kolbrún Bergþórsdóttir: „Mér finnst þetta merkileg bók … falleg og óvenjuleg.“

Þokan er sjálfstætt framhald metsölubókanna Núll núll 9, Svalasta 7an og Undir 4 augu. Þetta eru bækur sem börn og unglingar hafa rifið í sig á undanförnum árum og því ekkert skrýtið að þau langi að lesa framhaldið.

Þorgrímur hefur verið ötull við að heimsækja aðdáendur sína þetta haustið. Hann hefur lesið fyrir þúsundir barna í tugum skóla um allt land og heldur því áfram til jóla.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd