Þær eru margar og mistrúlegar staðreyndirnar í Vonarskarði. Þar rekur Gústav Þór Stolzenwald saman þræði úr fjölskyldusögu sinni.

Sagan er römmuð inn af ótrúlegri ævintýraferð föður hans og afa, sem gengu þvert yfir landið, frá Hellu og norður yfir Sprengisand, sá yngri rétt af barnsaldri. En þetta er ekki eina ferðin sem markaði líf Stolzenwald-fólksins. Stolzi eldri kom og fór yfir hafið, steig á land í Eyjum og varð ástfanginn af fjöllunum og fólkinu á Íslandi. Hér segir líka af þeim sem heima sitja og fara jafnvel víðar en vildu.