Hólmsteinn Helgason (1893–1988) ólst upp á Langanesi en fluttist ungur til Raufarhafnar og bjó þar til æviloka. Ungur sótti hann sjóinn frá Skálum á Langanesi og hóf fáum árum síðar eigin útgerð frá Raufarhöfn undir nafninu Hólmsteinn Helgason hf. og er félagið enn í fullum rekstri. Hólmsteinn var forystumaður margra verkefna á sviði félags- og atvinnumála og oddviti Raufarhafnarhrepps í fjölda ára. Hólmsteinn var kjörinn heiðursborgari Raufarhafnarhrepps og sæmdur riddarakrossi hinnar íslensku fálkaorðu fyrir félagsmálastörf.

Hólmsteinn hóf snemma að skrifa ýmsar minningar frá æsku- árum en einnig sögur og sagnir sem annars hefðu glatast. Sumt af því efni birtist í blöðum, tímaritum og útvarpi en annað hefur hvergi komið fram.

Í bókinni er dregið saman megnið af því sem Hólmsteinn ritaði og sem fullyrða má að allir sem áhuga hafa á þjóðlegum fróðleik munu njóta að lesa.