Breiðafjörðurinn er rómaður fyrir fegurð og í miðju hans liggja Vestureyjar, þar með taldar Svefneyjar. Höfundur þessarar bókar, Þórður Sveinbjörnsson, fæddist í Svefneyjum árið 1941 og átti þar heima til 17 ára aldurs.

Hann lýsir hér á eftirminnilegan hátt bernskuárum sínum frá sjónarhóli ungs drengs og segir frá búskaparháttum um miðja 20. öldina svo og ýmsum atburðum er í Svefneyjum gerðust. Frá landnámi eyjanna og til okkar daga hefur margt á dagana drifið og hefur höfundur viðað að sér ýmsum heimildum sem varpa ljósi á mannlífið þar í aldanna rás. Koma hér við sögu nokkur hundruð manna sem háðu lífsbaráttu sína oft í kröppum dansi við Ægi konung.

Þrátt fyrir það bjó fólkið við betri kjör en gerðust víða um landið og oft og tíðum ríkti gleði og hamingja í hjörtum þess. Bókina prýðir fjöldi mynda af fólki, fallegri náttúru eyjanna og fuglalíf sem þar er ríkulegt.