Um bókina
Í bókinni er að finna yfirlit yfir myndlist og feril Kristínar Guðjónsdóttur (1966-2007). Ekki leið nema rúmur áratugur frá því Kristín lauk námi og þar til hún lést en afköstin þennan áratug voru mikil – tíu einkasýningar og ótal samsýningar. Bókina prýða fjölmargar ljósmyndir af verkum hennar og sýningum, auk texta um myndlist hennar og ævi, og frásagna samferðamanna hennar í Bandaríkjunum þar sem hún bjó og starfaði frá 1991. Bókin er vitnisburður um styrk og hæfileika þessarar einbeittu listakonu sem efldist með hverri sýningu í átökum sínum við formið og það efni sem hún valdi sér snemma : leir, málm og gler.
