Ljóðabókin Smá eyríki er ferðasaga í rúmi, tíma og hugsun.

Höfundur er Henry Alexander Henrysson heimspekingur og er þetta fyrsta ljóðabók hans.

GRUND

Ókunnugt land nú
breiðir út græna kolla, varpar grjóti
í sjó
gegn öldunum.

Vindinn ber að landi, landið frá.
Enn,
hjá, orðlaust, vaknað.

Þögull kofinn kallar, dregur,
veldur kvíða.
Tómið engin ástæða, býr jafnt
innra.

Fylgist með skýjum staðnæmast.
Valið skýrir, dregur, út
líkt og vindurinn deyr,

efins, bíð lendingar.