Þúsundir landsmanna stunda skotveiði sér til ánægju og yndisauka. Þeir njóta útiveru í íslenskri náttúru og afla sér villibráðar sem sæma veislum þegar vel tekst til. Í þessari bók er komið víða við og stemming skotveiðarinnar svífur yfir vötnum. Nokkrir af snjallari skotveiðimönnum landsins segja sögur og rifja upp skemmtileg atvik. Þetta er bland í poka, það eru einnig eldri frásagnir, allt aftur til ársins 1912, veiðidagbækur sýna breytta tíma, og nokkrar greinar sem við völdum og fengum leyfi höfunda til að birta þar eð þær endurspegla anda bókarinnar. Bókin er og ríkulega myndskreytt og þökkum við sérstaklega þeim sem lögðu okkur lið í þeim efnum.