Um bókina
Moldarauki er óvenjulegur ljóðabálkur um ferðalag sem vekur okkur af dvalanum. Smátt og smátt skýrist stefnan og lesandanum kemur ekki á óvart að finna sjálfan sig fyrir í áfangastað.
Ferðin sem í fyrstu virtist stefnulaus svo óvænt og ítrekað er skipt á milli ólíkra sviða er í raun einstaklega vel skipulögð reisa um lendur skáldskaparins og þaulhugsuð kortlagning á hinu mennska ástandi.
Moldarauki er þriðja ljóðabók Bjarna Gunnarssonar, en áður hefur hann sent frá sér bækurnar Lúpínublámi og Blóm handa pabba. Uppheimar gáfu út.
