Í landi hinna ófleygu fugla geymir fjörutíu og tvö frumort ljóð og eitt þýtt. Höfundur var tilnefndur til Íslensku þýðingarverðlaunanna 2007. Hann er búsettur á Fljótsdalshéraði ásamt eiginkonu sinni og börnum þeirra. Ljóðin eru ástarljóð.

——————————————————————————————————————————————

Í landi hinna ófleygu fugla býr vatnastelpan.

Þar býr félagi minn, sem ekki lengur dregur
andann.

Í landi hinna ófleygu fugla hvílir hin ígrundaða
reynsla.

Ég þarf sjálfur að hafa mig allan við til að gleyma
ekki að anda. Í landi minninganna er eilíft myrkur.

Alheimurinn þenst út, hin lifaða reynsla boðar alkul.

Það eina sem dregur hann saman og bindur okkur
traustum böndum er ást.