Tuttugu hjólaleiðir verða fyrir valinu. Sumar henta byrjendum, aðrar eru fyrir vant fjallahjólreiðafólk. Leiðirnar eiga það sameiginlegt að þær liggja í hring og að hægt er að loka hringnum á einum degi. Hverri leiðarlýsingu fylgja tillögur að fleiri ferðum. Fróðleiksmolar um land og þjóð fylgja hverjum kafla.

Nauðsynlegar upplýsingar um hverja leið eru gefnar í máli og á kortum. Allar leiðirnar eru sýndar með auðskildum litaskala sem útskýrir hve brattinn er mikill. Fjöldi ljósmynda freistar fólks til að heimsækja Vesturland. Bókin mun gleðja bæði hjólreiðafólk og þá sem heima sitja.

Góða ferð.