Um bókina
Höfuðborg Kúbu varð kveikjan að þessari litríku uppskriftabók. Í Havana iðar allt af lífi, hvarvetna hljómar tónlist og við blasa ótal litir og munstur. Allar ljósmyndir í bókinni eru teknar í Havana.
Í Havana heklbók er á þriðja tug hekluppskrifta; flíkur, fylgihlutir og ýmislegt fyrir heimilið. Einnig eru hér ítarlegar leiðbeiningar um hekl, tafla yfir skammstafanir og þýðingar, og fleiri gagnlegar upplýsingar um þessa skemmtilegu handavinnu.
Tinna Þórudóttir Þorvaldar hefur áður sent frá sér heklbækur sem notið hafa mikilla vinsælda; Þóru heklbók, Maríu heklbók og einnig ritstýrði hún Heklfélaginu.
