Flugvélar á Íslandi er óviðjafnanlegt verk með yfir 500 ljósmyndum af margvíslegum flugvélum, gömlum jafnt sem nýjum, sem verið hafa á Íslandi um langan eða skamman tíma. Hvo rt sem um er að ræða einkaflugvélar eða farþegaflugvélar, þyrlur eða herflugvélar, þá bregður þeim fyrir í íslensku landslagi, oftar en ekki í sínu rétta umhverfi, háloftunum. Sérstakir kaflar eru helgaðir sögulegum flugvélum og fljúgandi módelum, en í viðauka er brugðið upp einstökum myndum af erlendum flugsýningum og söfnum.

Höfundur bókarinnar, Baldur Sveinsson, er reyndasti flugvélaljósmyndari landsins og hefur í yfir hálfa öld tekið þúsundir mynda af öllum tegundum flugvéla, í lofti sem á jörðu. Árið 2007 kom út bók hans Flugvélar á og yfir Íslandi sem seldist upp, en þessi bók er óbeint framhald hennar með miklum fjölda yngri mynda. Er hún tileinkuð 100 ára sögu flugsins á Íslandi.

Flugvélar á Íslandi er ómissandi bók fyrir alla flugáhugamenn og þá sem hrífast af glæsilegum landslagsmyndum.