Tréskurðarmeistarinn Wilhelm Ernst Beckmann gekk á land í Reykjavík einn síns liðs vorið 1935, aðeins 26 ára gamall, einn síns liðs á pólitískum flótta undan nasistum í heimalandi sínu. Ísland varð skjól róttæka jafnaðarmannsins sem átti eftir að gera skírnarfonta, altaristöflur og fleiri stórfengleg verk fyrir 11 íslenskar kirkjur.

Allt lék í höndum Beckmanns. Hann skar út, gerði smærri hluti úr tré, gifsi, málmum, beinum eða horni, teiknaði og málaði. Beckmann lét lítið fyrir sér fara um dagana en ævistarf og dramatísk saga hans verðskuldar að minningin lifi um listamann sem alltof fáir kannast við eða hafa heyrt um.