Bæta á óskalistaEr á óskalista
Bæta á óskalista
Á sögustöðum
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2022 | 463 | 3.990 kr. | ||
| Rafbók | 2022 | 3.690 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2022 | 463 | 3.990 kr. | ||
| Rafbók | 2022 | 3.690 kr. |
Um bókina
Hvað er svona merkilegt við sögustaði? Hér er fjallað um sex þeirra, alla fræga og óumdeilda: Bessastaði á Álftanesi, Hóla í Hjaltadal, Odda á Rangárvöllum, Reykholt í Borgarfirði og Skálholt og Þingvelli í Árnessýslu. Rakin er saga staðanna og reynt að grennslast fyrir um það á hverju hlutverk þeirra byggist.
Hugmyndir okkar um sögustaðina sex mótuðust af þjóðernisrómantík á 19. og 20. öld, aðdáun á gullöld sem gat orðið að gullaldarglýju. Þjóðernishyggjunni fylgdi svo andúð á erlendu valdi og erlendum áhrifum í ýmsum myndum. Þótt nærri 80 ár séu frá því að lýðveldið var stofnað eimir enn eftir af viðhorfum til manna, staða og málefna sem urðu til í sjálfstæðisbaráttunni, þar sem hið innlenda og þjóðlega þykir æskilegt en flest erlent og alþjóðlegt óæskilegt. Það er sannarlega kominn tími á gagngert endurmat.
Þess er að vænta að afstaða margra muni breytast við lestur bókarinnar þar sem almenn menningarsaga fær að vega þyngra en bjöguð stjórnmálasaga.
ATH. Spurt og svarað um rafbækur.
5 umsagnir um Á sögustöðum
embla –
„Mikilvæg bók sem teflir niðurstöðum nýlegra rannsókna fram gegn hefðbundinni sýn á sögustaði.“
Úr umsögn dómnefndar Hagþenkis
embla –
„Nú skellur jólabókaflóðið yfir og rennur mér blóðið til skyldunnar að hampa þessari skemmtilegu bók sem ég hef haft á náttborðinu undanfarna daga í von um að hún týnist ekki í straumnum. Hún hvetur okkur til þess að halda áfram að ferðast á sögustaði en með nýjar hugmyndir í farteskinu.“
Viðar Pálsson / Fréttablaðið
embla –
„Látið ekki þessa góðu og stórmerkilegu bók fram hjá ykkur fara! … Tvímælalaust ein af bókum ársins!“
Gunnar Þór Bjarnason
embla –
„Ég hafði ánægju og yndi af að lesa bók Helga Þorlákssonar um sögustaði. Hún er læsileg og forvitnileg og kemur mjög víða við; þannig nýtist hún að einhverju leyti sem kynning á straumum og stefnum í rannsóknum á íslenskri miðaldasögu seinustu áratuga.“
Sverrir Jakobsson
embla –
„Hér læt ég duga að mæla með henni við alla áhugamenn um Íslandssögu – hvort sem höfundur á nú eftir að hafa erindi sem erfiði með endurskoðunarkröfu sinni; það á eftir að koma í ljós. Vonandi fær þó bókin þann lestur og þau viðbrögð sem hún á skilið – en sú hefur nú ekki alltaf orðið raunin um ýmis merkisrit í hinum smáa fræðaheimi vorum.“
Jón Viðar Jónsson