Útsmoginn prestur sem var púuð niður úr predikunarstóli, uppburðalítill móttökustjóri á gistiheimili í ruslflokki og margfaldur morðingi og ofbeldismaður, nýsloppinn út eftir næstum ævilanga fangelsisvist – þegar þessi þrjú hittast og mynda bandalag gegn öllum hinum er voðinn vís.

Þau stofna til lífshættulegrar atvinnustarfsemi en þegar hún fer í vaskinn leggja þau land undir hjól á gömlum húsbíl, tilbúin í enn meira brask. Viðskiptavit prestsins, útsjónarsemi móttökustjórans og orðspor morðingjans er blanda sem gefur vel af sér, jafnvel þótt allir verstu glæpamenn landsins séu á hælum þeirra, og stöku embættismaður líka.

Víga-Anders og vinir hans (og fáeinir óvinir líka) er ærslafull saga um dyggðir og lesti, og um að lifa lífinu á eigin forsendum. Jonas Jonasson sló í gegn með hinni óborganlegu metsölubók Gamlinginn sem skreið út um gluggann og hvarf og fylgdi henni eftir með Ólæsingjanum sem kunni að reikna. Víga-Anders gefur þeim ekkert eftir – skemmtilesning sem gleður og vekur til umhugsunar.

Páll Valsson þýddi.