Bæta á óskalistaEr á óskalista
Bæta á óskalista
Vertu ósýnilegur – flóttasaga Ishmaels
| Gerð | Útgáfuár | Síður | Verð | Magn | |
|---|---|---|---|---|---|
| Kilja | 2018 | 234 | 2.590 kr. | ||
| Kilja | 2020 | 235 | 3.490 kr. | ||
| Innbundin | 2017 | 234 | 4.190 kr. | ||
| Rafbók | 2017 | 990 kr. | |||
| Hljóðbók - streymi | 2018 | App | 990 kr. | Setja í körfu |
Vertu ósýnilegur – flóttasaga Ishmaels
990 kr. – 4.190 kr.
Bæta á óskalistaEr á óskalista Bæta á óskalista
Bæta á óskalista
| Gerð | Útgáfuár | Síður | Verð | Magn | |
|---|---|---|---|---|---|
| Kilja | 2018 | 234 | 2.590 kr. | ||
| Kilja | 2020 | 235 | 3.490 kr. | ||
| Innbundin | 2017 | 234 | 4.190 kr. | ||
| Rafbók | 2017 | 990 kr. | |||
| Hljóðbók - streymi | 2018 | App | 990 kr. | Setja í körfu |
Um bókina
„Leiðin um Dauðastræti er greið þetta kvöld. Þeir smeygja sér á milli teppa sem hanga hér og hvar þvert yfir götuna til að byrgja leyniskyttum sýn. – Galdurinn er að ímynda sér að maður sé ósýnilegur, Ishmael, sko, þegar þú mætir þessum vopnuðu mönnum. Vertu agnarsmár og ekki horfa í augun á neinum. Flýttu þér þangað sem þú ætlar án þess að hlaupa. Það vekur grunsemdir ef þú hleypur.“
Eitt sinn bjó Ishmael í borg þar sem var líf og fjör alla daga og börn léku sér innan um dulúðuga hnífasala, villiketti og sápugerðarmeistara. Núna er hann fjórtán ára og borgin hans er vígvöllur. Þegar heimilið er rústir einar neyðist hann til að leggja land undir fót og leita skjóls þar sem friður ríkir. En flóttaleiðin er lífshættuleg. Á sama tíma glímir fjölskylda í Kópavogi við það flókna verkefni að fóta sig í nýju landi.
Kristín Helga Gunnarsdóttir er margverðlaunaður rithöfundur en starfaði áður sem fréttamaður. Vertu ósýnilegur – Flóttasaga Ishmaels er skáldsaga fyrir unglinga og annað fólk sem byggð er á viðtölum, fréttum og heimildum um borgarastyrjöldina í Sýrlandi, afdrif fólks og örlög.
ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
Hljóðbókin er 6 klukkustundir að lengd. Höfundur les.
5 umsagnir um Vertu ósýnilegur – flóttasaga Ishmaels
Eldar –
„Í liprum og raunverulegum lýsingum er fjallað um baráttu fólks til að lifa venjulegu lífi í hringiðu hrikalegra stríðsátaka. Á sama tíma er fjallað af nærfærni um viðkvæmar tilfinningar unglinga og ungs fólks, samskipti og samskiptavanda. Það getur verið erfitt að aðlagast og sættast við framandi samfélag og víða hamla fordómar og vanþekking eðlilegum samskiptum.“
Barnabókaverðlaun Reykjavíkurborgar 2018 í flokki frumsaminna barnabóka, rökstuðningur dómnefndar
Eldar –
„… laus við tilfinningasemi en full af tilfinningu, fræðandi án þess að upplýsingarnar íþyngi henni. Efni bókarinnar er nánast daglegt fréttaefni sem auðvelt er að verða ónæmur fyrir og því tvöfalt mikilvægara að sýna það út frá sjónarhorni sem erfitt er að víkja sér undan.“
Dómnefnd Barna- og unglingabókmenntaverðlauna Norðurlandaráðs 2018, tilnefning
Árni Þór –
„Sagan er þroskasaga þar sem Ishmael upplifir æðimargt á skömmum tíma en hann lærir líka að þekkja tilfinningar sínar og treysta innsæinu. Persónur eru raunsæjar þannig að auðvelt er fyrir lesanda að finna til samhygðar. Uppbygging bókarinnar er einstök þar sem hver kafli er afmarkaður af ljósmynd og klausu úr Mannréttindasáttmála Sameinuðu þjóðanna sem tengist umfjöllunarefninu og er óhætt að segja að það hafi talsverð áhrif á upplifun lesandans.“
Dómnefnd Fjöruverðlaunanna
Árni Þór –
„Skyldulesning fyrir allar manneskjur. Að baki bókinni liggur þó nokkur rannsóknarvinna sem skilar sér í trúverðugum efnistökum, hún er á þjálu og lipru máli, einkennist af samhug og mannskilningi og fjallar um brýnt mál sem varðar heimsbyggðina alla – þar sem við Íslendingar getum svo sannarlega lagt af mörkum.“
Steinunn Inga Óttarsdóttir / Kvennablaðið
Árni Þór –
„… mjög manneskjuleg saga sem gefur innsýn í heim sem erfitt er að ímynda sér en auðvelt að loka augunum fyrir og þegar jafn góður rithöfundur og Kristín Helga skrifar verður úr bók sem á erindi við alla … Vertu ósýnilegur er áhrifamikil samtímasaga sem gerir börn á flótta sýnilegri. Vonandi ratar hún í hendur sem allra flestra, unglinga og fullorðinna.“
Hildigunnur Þráinsdóttir / Morgunblaðið